01.11.2023
У Гродзенскай энергасістэме ўведзена новая лічбавая падстанцыя 110 кВ "Дуброва"
18 кастрычніка адбылося ўрачыстае адкрыццё ПС 110 кВ "Дуброва" ў Свіслацкім раёне - першай лічбавай падстанцыі ў Ваўкавыскіх электрычных сетках і трэцяй у Гродзенскай энергасістэме. Падстанцыя забяспечвае знешняе электразабеспячэнне аб'ектаў, размешчаных на тэрыторыі свабоднай эканамічнай зоны "Гроднаінвест", і поўнасцю адпавядае інфраструктурным запытам раёна і бізнесу. Тэрыторыя, прадугледжаная пад дзейныя і будучыя інвестпраекты, складае больш за 420 га.
На ПС "Дуброва" ўстаноўлена найноўшае электратэхнічнае абсталяванне - сілавыя трансфарматары магутнасцю 63 МВА. Спецыялістамі ААТ "Белэлектрамантажналадка" выкананы практычна поўны комплекс электрамантажных і пусканаладачных работ. У рамках праекта было пабудавана і рэканструявана больш за 90 км ліній электраперадачы.
Тут устаноўлены кампактныя элегазавыя камутацыйныя модулі, якія сумяшчаюць у сабе функцыі элегазавага выключальніка і раз'яднальніка. Праект быў рэалізаваны сумеснымі намаганнямі спецыялістаў РУП "Гроднаэнерга", славенскай кампаніі Riko d.o.o., якая выступіла генпадрадчыкам, і праекціроўшчыкаў РУП "Белэнергасеткапраект". Сіламі ААТ "Белэлектрамантажналадка" выканана вытворчасць, пастаўка КРУ 10 кВ.
На ўрачыстай цырымоніі адкрыцця прысутнічалі намеснік міністра энергетыкі Міхаіл Міхадзюк, генеральны дырэктар ДВА "Белэнерга" Павел ДРОЗД, генеральны дырэктар РУП "Гроднаэнерга" Віктар ЖУК, дырэктар кампаніі Riko d.o.o. Янэз Шкрабец.